Mrs Claire Nagle
An Cheathrú
Dún Chaoin
Co. Chiarrai
Fon : +353 66 915 64 12

Tá tigín beag cloch Chlaire Nagle ar Shlí Chorca Dhuibhne neadaithe ar thaobh cnoic ag féachaint amach ar oileáin na mBlascaodaí - áit suimhneach séimh. Is anseo a chloisfidh tú glór na mara agus an nádúir agus tú ag féachaint amach ar oileáin na mBlascaodaí atá i lár an tsrutha tamaillín amach ón gcósta. Tá siúlóidí marcáilte go barra Chruach Mhárthain agus Shliabh an Iolair. Ar do bhealach bain lán do shúl as na bláthanna scéine atá le fáil go fairsing ar na clathacha agus sna goirt - an samhaircín, an garra bhuí, an nuacht bhallach, an lus mór, an rubhán, feileastram, agus na fiúsaíos.
Tá an tigín trí sheomra seo dlúth, tá an seomra suí agus an chistin mar aon sheomra amháin agus é feistithe le gach aon tsaoráid nua-aimseartha agus teas lárnach. Tá potaí bhláthanna sa chlós duirlinge lasmuigh. Níl aon áit eile ar domhan chomh deas leis an ngort atá in aice an tí chun tráthnóna a chaitheamh ann. Ceangailte den dtigín tá tigh cloch Chlaire mar a gcuireann sí lóistín leaba agus bricfeasta ar fáil. Tugtar babhla torthaí úra leis an mbricfeasta Gaelach ar maidin