Is é daonra Dhún Chaoin ná 174 duine (1996) agus is iad an fheirmeoireacht, seirbhísí turasóireachta agus iascach páirt-aimseartha príomhshlite beatha na ndaoine. Oibríonn mórán de mhuintir an pharóiste sa Daingean agus i mbailte eile.

Is í an Ghaeilge teanga mhuintir Dhún Chaoin agus táimid bródúil as an ngreim atá againn ar ár gcultúr dúchais agus as na nascanna atá againn le sliocht na n-imirceach a thug aghaidh ar shaol nua i Meiriceá, Sasana agus i dtíortha eile.

Tá Séipéal, bunscoil, tigh tábhairne, brú Óige, Ionad foghlama Gaeilge do dhaoine Fásta agus bialanna sa pharóiste. Tá Ionad an Bhlascaoid Mhóir ann faoi stiúir Oifig na nOibreacha Poiblí, agus léirítear taispeántaisí ann ar shaol na n-oileánach tráth. Seolann báid farrantóireachta ó Ché Dhún Chaoin go dtí an mBlascaod i rith an tSamhraidh. Tá tránna gaineamhacha ann agus níl baile an Daingin ach 16 km soir ó Dhún Chaoin. Le linn an tSamhraidh bíonn seirbhís bus ar fáil gach lá, agus i rith an Gheimhridh cúpla lá sa tseachtain.
Gabhann Slí Chorca Dhuibhne trí Dhún Chaoin ar a slí timpeall Cinn Sléibhe.

.